गुंतवणूक टिप्स; हे शेअर देतील तुम्हाला नजीकच्या काळात चांगला परतावा.

 गुंतवणूक टिप्स; हे शेअर देतील तुम्हाला नजीकच्या काळात चांगला परतावा.

भांडवली बाजारात गेल्या काही महिन्यांपासून तेजीचा माहौल आहे. सेन्सेक्स आणि निफ्टीने विक्रमी पातळी गाठली आहे. या पार्श्वभूमीवर सामान्य गुंतवणूकदारांमध्ये बाजाराविषयी आकर्षण निर्माण झाले आहे.सेन्सेक्सने आज बुधवारी बाजारात ५६००० अंकांची पातळी गाठली. दोन्ही निर्देशांक विक्रमी दौड करत असून गुंतवणूकदार नव्या गुंतवणूक संधीच्या शोधात आहेत. अशा गुंतवणूकदारांसाठी शेअर बाजार विश्लेषकांनी निवडक शेअरबाबत अंदाज वर्तवले आहेत. हे शेअर गुंतवणूकदारांना नजीकच्या काळात चांगला परतावा देतील, असे भाकीत या विश्लेषकांनी व्यक्त केले आहे.

१) टाटा एल्क्सी : टाटा एल्क्सी हा शेअर ४५५० रुपयांच्या पातळीपासून पुढे वाढण्याची शक्यता आहे. रिझर्व्ह बँकेच्या संकेतानंतर या शेअरच्या वाढीस पोषक वातावरण तयार झाले आहे. त्यामुळे येत्या ३ ते ४ आठवड्यात हा शेअर ५१७५ रुपयांपर्यंत वाढू शकतो. सध्याचा बाजार भाव ४५५० किंवा त्याहून खाली ४५२० रुपयांपर्यंत खरेदी करण्यास हरकत नाही. मात्र ४४०० रुपयांचा स्टॉप लॉस ठेवावा.

२) मंगलोर रिफायनरी : गेल्या आठवड्याभरात या शेअरमध्ये मोठी उलथापालथ दिसून आली. मंगलोर रिफायनरीमध्ये गुंतवणुकीची एक संधी आहे. येत्या तीन ते चार आठवड्यात हा शेअर ५० रुपयांपर्यंत जाऊ शकतो. सध्या हा शेअर ४२ रुपयांच्या आसपास आहे. त्यात आणखी घसरण झाल्यास खरेदी करावा मात्र ४१.५० रुपयांचा स्टॉप लॉस लावावा.

३) एचडीएफसी : एचडीएफसीच्या शेअरमध्ये देखील उलाढाल वाढली आहे. हा स्टॉक आणखी काही सत्रांमध्ये वाढण्याची शक्यता आहे. त्यामुळे एचडीएफसीचा शेअर खरेदी करण्याचा सल्ला आहे. हा शेअर २८८० रुपयांपर्यंत वाढेल. मात्र गुंतवणूकदारांनी २५६५ रुपयांचा स्टॉप लॉस ठेवावा.

४) ब्रिटानिया : ब्रिटानियाच्या शेअरमधून वाढीचे संकेत मिळत आहेत. नुकताच हा शेअर २०० डीएमएच्या जवळपास पोहोचला. तो सध्या ३३०० रुपयांवर आहे. हा शेअर खरेदी करण्याचा सल्ला आहे. या शेअरसाठी ३६५० रुपयांवर खरेदीचा कॉल आहे. हा शेअर ३९५० रुपयांपर्यंत वाढेल तर ३३५० रुपयांचा स्टॉप लॉस ठेवावा.

५) बिर्लासॉफ्ट : नुकताच बिर्लासॉफ्टच्या शेअरने सार्वकालीन उच्चांकी स्तर गाठला. त्यानंतर तो सातत्याने तेजीत आहे. या शेअरसाठी खरेदीचा सल्ला असून तो ४७० रुपयांपर्यंत वाढेल. गुंतवणूकदारांनी ३७० रुपयांचा स्टॉप लॉस ठेवावा.

६) भारत फोर्ज : भारत फोर्जच्या वाढीसाठी पोषक वातावरण आहे. किरकोळ घसरणीनंतर नुकताच भारत फोर्जच्या शेअरने २० डीएमएची पातळी गाठली. पुढे यात ८०० ते ७९० च्या दरम्यान गुंतवणूक करावी. तो ८५० रुपयांपर्यंत वाढेल.

७) आरती इंडस्ट्रीज : नुकताच कंपनीने फार्मा व्यवसाय विभक्त केला. यामुळे येत्या काही दिवसात आरती इंडस्ट्रीजच्या शेअरमध्ये वाढ अपेक्षित आहे. ९८० ते १००० रुपयांपर्यंत हा शेअर वाढण्याची शक्यता आहे. गुंतवणूकदारांनी ९२८ रुपयांचा स्टॉप लॉस ठेवावा.